Fífi Àwọn Ilé-iṣẹ́ Ìṣòwò Ayélujára Itali Mẹ́rin (4) Sórí Àkọsílẹ̀ Dúdú Tí a tẹ̀ jáde: December 22, 2022

Àfiyèsí Securities and Exchange Commission, Nigeria (“SEC”) ti tọ́ sí ìròyìn pé alábòójútó ọjà ìwé-ẹ̀rí ìdókòwò ti Ítálì, (Commissione Nazionale per le Soecieta’ e la Borsa – CONSOB)  ti fi ilé-iṣẹ́ ìṣòwò ayélujára mẹ́rin (4) sí àkọsílẹ̀ ìdènà, ó sì ti dì àwọn ojúlé wọn mọ́ nítorí ìṣòwò lórí ẹ̀rọ tí ó jẹ́ ẹ̀tàn àti fífúnni ní iṣẹ́ ìnáwó láìgba àṣẹ. Àwọn ilé-iṣẹ́ tí wọ́n fi sí àkọsílẹ̀ ìdènà àti àwọn ojúlé tí wọ́n dì ni:

1. Tetris Group Limited (https://clydetrade.world);
2. Broker Capitals Limited (http://broker-capitals.com),(https://platform.brokercapitals.com);
3. MTinvesting (mtinvesting.com); àti
4. NBIMarkets (nbimarkets.com), (https://account.nbimarkets.com), (https://trading.nbimarkets.com).

Ìròyìn náà sọ pé àwọn olùpèsè iṣẹ́ ìnáwó lórí ìkànnì lo ìdiju iṣẹ́ wọn àti àìlóye ọ̀pọ̀ àwọn tó lè di olùdókòwò láti fi àlàyé iṣẹ́ wọn pamọ́, tí ó sì mú kí ọ̀pọ̀ olùdókòwò ṣe ìpinnu láìní ìsọfúnni tó pé. Nítorí náà, CONSOB rọ àwọn olùdókòwò láti ṣe àyẹ̀wò pẹ̀lú ìṣọ́ra tó pọ̀ jù kí wọ́n tó ṣe ìpinnu ìdókòwò, kí wọ́n lè dáàbò bo owó ìfowópamọ́ wọn, títí kan ṣíṣe àyẹ̀wò bóyá àwọn ilé-iṣẹ́ bẹ́ẹ̀ forúkọ sílẹ̀ tàbí bẹ́ẹ̀ kọ́.

Ìgbìmọ̀ náà tún fẹ́ jẹ́ kí gbogbo ará Nàìjíríà tó ń dókòwò mọ̀ pé àwọn ilé-iṣẹ́ tí a mẹ́nuba lókè kò forúkọ sílẹ̀ lọ́dọ̀ SEC Nigeria, bẹ́ẹ̀ ni SEC kò fún ètò ìdókòwò tí wọ́n ń gbé lárugẹ ní àṣẹ.

Nítorí èyí, a KÌLỌ̀ fún gbogbo ènìyàn pé ẹnikẹ́ni tí ó bá bá àwọn ilé-iṣẹ́ tí a darúkọ ṣe ìṣòwò èyíkéyìí tó ní í ṣe pẹ̀lú ọjà olú-owó ń ṣe bẹ́ẹ̀ ní ewu tirẹ̀.

FỌWỌ́ SÍ I

ÌṢÀKÓSO